Nov. 10, 2005 NDP

Nov. 10 National Day of Protest Laban sa E-VAT,
Oil de-regulation Law at para sa P125.00 Dagdag na
Sahod at Tax Relief sa P681.00/day ang sweldo, TAGUMPAY!

Sa kauna-unahang pagkakataon naganap ang koordinadong pagkilos sa pangunguna ng mga manggagawa sa industriya at transportasyon sa buong Calabarzon area na nagparalisa ng (5) oras sa daloy ng transportasyon (Bicol to Manila) at pag-inog ng ekonomiya sa rehiyon..

Sa kauna-unahang pagkakataon nagawa ang malawak na pagkakaisa at pagkilos ng mga manggagawa sa industriya, transportasyon, agrikultura, serbisyo, vendors at maralita sa ilalim ng bandila ng Laban ng Masa (LnM). Kakaiba ang pagkakaisa at naipamalas na pagkilos sa bawat lalawigan ng Calabarzon.

Sa Candelaria-Quezon; Sa pangunguna ng Manggagawa ng Peter Paul, DGR Garment, LGI at DGR Lucena Garment, Foctoda, maralita’t magsasaka. Nagtipon at nagmartsa ang 3,000 katao kasama ang 800 unit na Tricycles sa magkabilang dulo ng Canadelaria (Brgy. Masin at Bgy. Malabanban, Quiapo Bridge) at nagsalubong sa harap ng Munisipyo at doon nagprograma. Umabot sa 5,000 ang tao at tumagal ng 4 na oras ang programa (7:30am to 11:30am) sa gitna ng Maharlika Hi-way sa tapat ng Munisipyo ng Candelaria..

Paralisado ang Transportasyon, tigil pasada ang 5,000 TODA ng Candelaria, tigil trabaho ang pitong (7) pabrika (Peter Paul na may 2,000 manggagawa, Sun Ripe na may 900 manggagawa, Primex na may 1,500 manggagawa, Super Star na may 1,500 manggagawa, LGI, DGR-Lucena at Candelari na may 400 manggagawa) walang pasok ang Enverga University at AMA School.. Gayundin ang Supreme Bus at Reymond Bus Line na may rutang Lucena – Batangas, mga Bangko at Food Chains sa buong bayan ng Candelaria. Maging ang Chief Police at Mayor ng Candelaria ay nagpahayag ng pagsuporta sa mapayapang pagkilos at mga kahilingang isinahipapawid ng kanyang mga kababayan at kalalawigan.

Sa Sto. Tomas at Tanauan, Batangas: Alas singko pa lamang ng umaga tumigil pasada na ang 2,500 TODA at pumarada ang 300 unit na tricycle kasama ang mga manggagawa ng Arcya Glass buhat sa Tanauan at Brgy. San Felix at nagsalubong sa Sto. Tomas Market. Talong oras na nagprograma (9:00am to 11:00am) at muling pumarada patungong Tanauan City upang humarap sa Dialogue kay Vice Mayor (Herminigildo “Junjun” Trinidad) ukol sa kanilang lokal na problema sa pamamasada.

Sa San Pablo City at Calamba City Laguna: Nov. 8 3:00pm pormal na idenuklara sa pamamagitan ng Press Conference ng Laban ng Masa – Laguna ang Tigil Trabaho ng 15 pabrika na may 5,500 kasapian at PISTODPILA na may 5,000 unit na Tricycle. Gayundin ang 350 unit na JODA na rutang Liliw, Nagcarlan, Tanauan at Candelaria. Nov. 9, Nagdeklara ang San Pablo City Dep-ED na wala ng pasok sa eskwela ang lahat ng level sa Nov. 10, dahil sa welgang bayan na kalahok ang transport sa buong bayan. Tahimik at mahawan ang kalsada ng buong syudad ng San Pablo City sa araw na iyon.

Sa Calamba City: Tigil trabaho ang 10 pabrika Paralisado ang 3 Terminal ng TODA (Walter Mart, Makiling Area at Crossing Calamba area). Trapik ang kahabaan ng National Hi-way, Paciano, Real at JP Rizal. ng halos 3 oras sa martsa ng higit isan libong mangagagawa at maralita. Nagtapos ang Martsa sa Calamba City Hall, matapos basahin at ipaalala sa lahat ng kawane ng City Hall ang City Council Resolution laban sa E-VAT.
Dumalo at Magpadalo: LAKBAYAN PARA SA KABUHAYAN, KARAPATAN AT KALAYAAN! Nov. 29-30 Tagpuan: Nov. 29, 9:00am Alabang (Underpass