BUOD NG POSISYON NG BMP-CALABARZON CHAPTER UKOL SA PAGBABAGO NG LABOR CODE

A) Hinggil sa Deklarasyon ng Patakaran

1) Pagtataguyod sa dignidad ng paggawa

2) Proteksyon ng paggawa laban sa mapangwasak na epekto ng globlisasyon

3) Ganap at walang-pasubaling proteksyon at garantiya sa mga batayang karapatan ng paggawa sa pribado at pampublikong sektor:

a) Karapatang mag-organisa;

b) Karapatan sa sama-samang pakikipagtawaran at negosasyon;

c) Karapatan sa mapayapang pagkilos at magwelga;

d) Karapatan sa kaseguruhan sa pagtatrabaho;

e) Karapatan sa makataong kondisyon sa trabaho;

f) Karapatan sa sahod na nakabubuhay ng pamilya;

g) Karapatan sa pantay na oportunidad sa empleyo;

h) Karapatan laban sa anumang diskriminasyon sa empleyo;

i) Karapatan sa representasyon at partisipasyon sa policy and decision making processes;

j) Karapatan sa makatarungang bahagi sa bunga ng produksyon.

B) Hinggil sa Trabaho

1) Regular na empleyo sa manggagawang gumagampan ng trabahong karaniwan, kinakailangan at tuwirang kaugnay sa arawang negosyo ng kompanya;

2) Parusang kulong na walang-piyansa sa mga kapitalistang nagsasagawa ng labor-only contracting.

3) Gawing tatlong (3) buwan lamang ang probationary period ng empleyo.

a) Gawing iligal ang contractual hiring para sa mga regular na trabaho;

b) Gawing iligal ang sub-contracting ng anumang bahagi ng proseso ng produksyon ng kompanya.

4) Mandatory Trust Fund ng mga kapitalista para sa retirement at severance benefits ng mga manggagawa.

C) Hinggil sa Karapatang Mag-unyon

1) Alisin ang opsyon na “NO UNION” sa Certification Election (CE);

2) Awtomatikong sertipikasyon ng isang lehitimong unyon bilang bargaining agent sa unorganized establishment kung walang iba pang umiiral na unyon;

3) Gawing tatlong (3) taon ang terms of representation at duration ng CBA;

4) Karapatang mag-unyon at makipagtawaran ayon sa pang-industriyang saklaw;

5) Isama sa subject sa high school at college ang labor code.

D) Hinggil sa Karapatang Mag-welga

1) Sapat na ang paghahain ng Notice of Strike at Strike Vote bilang legal na rekisito bago ang aktwal na welga;

a) Alisin ang mga preemptive anti-strike na probisyon:

(i) Cooling-off Period

(ii) Free-Ingress/Free-Egress

2) Ipagbawal ang pagkakampo ng mga pulis/militar sa loob ng kompanya at pag-e-escort sa mga iskirol at iba pang iligal na pagpasok-paglabas sa kompanya sa panahon ng welga.

3) Ipagbawal ang pagpapalit sa mga manggagawang naka-welga. Walang manggagawa ang maaaring kasuhan o matanggal sa trabaho dahil sa partisipasyon sa welga.

4) Pag-alis sa jurisdiction ng mga civil court, maliban sa Supreme Court, ang mga usaping may kaugnayan sa labor disputes, gaya ng pag-uutos ng TRO o injunction order laban sa welga.

E) Hinggil sa Sahod

1) Abolish Regional Wage Boards

2) Itayo ang Living Wage Commission na mag-aaral at magpapasya sa awtomatikong adjustment ng minimum wage.

3) Kagyat na isabatas ang P125.00 across-the-board nationwide wage increase bilang relief sa patuloy na pagtaas ng presyo ng mga bilihin at serbisyo.

F) Hinggil sa Assumption of Jurisdiction

1) Pawalang bisa ang kapangyarihan ng Kalihim ng DOLE na mag-issue ng AJ at return-to-work order kaugnay sa welga.

a) Ang AJ ay tuwirang labag sa karapatang mag-welga at terorismo sa kilusang paggawa.

b) Ang mga batas ukol sa proteksyon at karapatan ng paggawa ay mga palamuti at patay na letra na lamang sanhi ng AJ. Instrumento ng mga kapitalista ang AJ upang ideklarang iligal ang welga, tanggalin ang mga welgista at bawiin ang mga naipagtagumpay ng kilusang paggawa. Sapagkat gingawang inutil ang welga, nawawalan ng saysay ang karapatan at kalayaan ng manggagawa na ipagtanggol ang sarili laban sa mga unfair labor practices, abuso at paglabag ng mga kapitalista.

G) Hinggil sa mga Paglabag sa Karapatan ng Paggawa

1) Parusang kulong at multa sa mga kapitalista at management na lumabag sa karapatan ng paggawa at sa Labor Standards.Law.